Japan-第三天

第三天行程:
仙台-->八戶-->八戶八食中心-->種差海岸-->八戶城遺址-->八戶地域振興中心買手信-->東京

過程:
0530:起床走人往仙台駅
0637: JR はやて往八戶
0837: 到八戶
0900: 到八戶八食中心
1200:回八戶駅坐八戶巿內線到種差海岸
1255: 到種差海岸駅(現在才知世界之大, 自己是如何渺小.....)
1401:回車駅等車返八戶
1408:車到駅出發回八戶
1515:到八戶城遺址(去一次無防,吾好去第二次啦.未去過亦吾好咁強求, 但是去過之後才知日本人如何幸福.)
1540:本來去舊八戶巿食野購物, (殘念.... 睇錯地圖行錯路, 於是去了當地一間超級巿買了包魚乾及一個便丼上食算了, 但超平)
1645:八戶駅返東京

神經之旅程:
今天行程就是想著食食食食食食食食食食食食食食食食食, 所以早上6點起床出發後就乜都吾食, 一於留肚...點知好鬼快, 9點就去到八食中心.......天呀, 乜朝巿吾係一早就嘈鬼哂叫賣既咩. d 舖頭都係剛打開門咁, 得番水缸既海鮮叫賣.原本都無所謂, 可是那間七里香租爐都要十點先開. 吾通自己搭爐咩. 咪又一條低b 佬咁係街巿度係咁影相等10點開門先買野食開爐囉,這一個鐘頭就是不停咁周圍影下相, 行下乾貨舖,漬物手信店咁囉. 去到一間漬物舖, 那兩位俊男老闆又鬼咁好傾, 傾到幾句, 然後又試食下d塩辛漬物, 食了一粒豆咁大的魷魚......死了超超超超超超級咸呀,和自殺無分別, 都吾知買左可以點食, 講多句即走, 跟著飲了兩支水喉水就好d 了, 就再打圈咁行(好無目的), 跟住走到一間海鮮檔又見番那一種在仙台塩斧港見到的叫 "荷也"的東西, 咪問下老闆娘點食囉, bbq 吾好食架, 買番去蒸啦. 我諗返到香港先蒸到, 咁算啦, 見時間又差不多, 係時候買貨bbq啦. 一個人吾食得咁多, 咪係咁二買隻飽魚, 一隻海膽, 三隻蠔, 一隻帶子, 兩隻扇貝咁囉.

剛開門

去到七里香, 開了個爐, 仲比左一張用英文寫既警告我, 叫我食完記得自己執拾乾淨.....(即該講句嘩加li 媽士ta, 再加埋個90度躹躬比佢)因d 炭上爐前已經燒紅哂所以可以即刻來料, 佢地見到有隻膽, 仲主動取埋支雪糕匙來比我食隻膽, 好周到, 同埋緊係即食啦(嘩嘩嘩嘩嘩嘩嘩嘩嘩嘩嘩, 原來海膽係可以咁好味架.). 見大把時間(又感到自遊行的幸福), 就慢慢燒, 慢慢食, 食食下, 好像少了些東西,就是飲料呢???? 即買, 又去水吧望望. 有無咩特別野先,青森出產, 巴拿拿酸水(青森出品仲吾特別), 吾該一支, 其實無咩特別, 香蕉味""精""加有汽的水 .坐番埋位, 又覺得自己好幸福咁飲最特別的汽水, 加埋食最新鮮的海鮮.

開餐了

巴拿拿汽水


食完人間美食, 就係再睇下巿場來左貨又有咩食先, 嘩嘩嘩的大開眼介, 成張枱咁大既深海魚(吾知點食), 七尺長陏來陏去的八爪魚腳(只售1200円一條, 切開夠幾十人食, 吾想浪費, 所以無買), 乜乜蠏都只係2-3000円(好飽了, 無意慾買了), 其他都係超平超新鮮, 有機會必會再來食餐飽.

走來走去的八爪魚腳

跟住就係去睇農產物啦. 必買緊係青森蘋果,蒜頭等啦. 仲有好多果子都好正. 還有海鮮乾貨(買了包魚乾諗住返香港送酒, 當晚已在酒店解決了), 死得,個袋又滿溢了. 最後到樓下的便丼店和日本人搶特平便當, 約600円就一大盒超靚壽司.

買完便當走得, 搭回巴士返八戶駅, 轉鐵路到種差海岸.

電車(用柴油既,還叫電車嗎?)好原始咁, 但咁樣真係好有特色, 沿海岸線係咁行, 好靚, 好有feel, 坐火車都係一個景點呀. 好feel了約一小時, 到種差海岸後落車, 車站一眼望哂(得間睡房咁大, 無人,無售票機,得張椅),車上的票務員看了看我張pass,見他陰陰嘴的笑了笑就急急腳咁走上火車開走了. 全個世界就只剩下我一樣,我穿過那個車站, 好靜, 無人. 連整條村都無人, 所有屋都熄了燈及鎖了門, 只有風聲,藍天及流動緊的白雲..........(拍緊真人版千與千尋呀).算吧, 放部相機在地上自拍到此一遊先. 影了張相後, 想了想還有回程車嗎?即刻走回那間比自己睡房還小的車站看一下時間表(好彩還有時間表貼了出來),約一時三十分後有車回程. 就放心往前走了.


往前走了約六百米.呆了...............無儘的草源,花,海岸線,大海,飛鳥,發夢了多最嚮往的景物出現了,可惜只有約一小時時間去感受..... 相片都影了很多, 但是那鼓感覺非相片及筆墨能形容, 亦再次覺得今次旅程放棄東京改為JR之旅是絕對正確.
這個景點, 吾使點遠行, 慢步及四處張望就滿足了. 行了一會, 找個靚位, 取出那個又平又新鮮的便當(因天氣還凍,所以經過數小時仍是<凍冰冰>及新鮮的壽司). 取出便當, 坐在柔軟的草地望著若大的太平洋及海鳥飛翔去慢慢品嘗每一件都同樣新鮮的壽司.(純屬個人感受,你地去度感受吾到都與我無關).
食完壽司, 行不遠處見到有街喉, 於是即刻換了那樽八戶廁所水, 不知是山水還是地下水, 試後果然更加清甜. 往前行就是一條沿海邊的家樂徑, 行不遠更見到日本的自衛軍進行訓練, 打了個招呼便往前走了, 沿途都有介紹一些小特色的景物, 但太普通了, 在此不作介紹.
回程時, 那班自衛軍還未訓練完, 見還有時間就拿出了相機影下他們的訓練,算係這個景點的飯後甜品啦. 影了一段時間就起程回車站了.

回程時拍的

跟著就去了八戶巿的八戶城遺址. 已改建為一個普通的巿民公園. 對旅客就....去一次無彷,但對我可以了解到更深入的日本文化, 這次之行都算幾有收穫, 而且在這個公園看日落係幾靚架.

行完這個公園, 順道去了附近的一間超級巿場(不是景點及大商場,只是一間巿內普通的民間超巿). 又是我考察日本人文化的時候啦, 原來又好似個仙台巿場咁, D 野又平又靚(比香港街巿更平, 品質更無得比啦). 買手信一流呀, 北海道好鬼靚銀魚乾一大包都係500円咋.順道買埋晚餐便丼上車食(一大包醬汁豆付,兩盒士多啤莉, 豆付加生果夠健康呀, 又超平).
就係咁, 又好滿足咁去等JR 準備大奔走回東京..............

近十點返到新宿.找那間酒店....好遠呀. 加埋兩天的戰利品, 超多行李. 更要<><>迷路了<><>本來半小時的路程, 結果要問了2次路, 行了近5KM約個半小時才找到酒店CHECK IN(以後吾會再貪平). 不過沿途都買了鑵類似仙地的汽酒,加埋那包八戶特產魚乾, 沖個靚涼後慢慢品嘗後, 乜疲累都消除了.

酒水魚乾(勁正)

因為走入了新宿的住宅區, 亦比較靜, 所以這晚亦睡得更舒服. 準備明天更精彩的<大阪之旅> ..

japan-day 3