KAKERU SEEN: Japan-第二天

第二天行程:
新宿-->仙台-->松島海岸-->塩斧-->仙台

過程:
0530:起床走人往東京駅
0612: JR やまびこ往仙台
0820: 到達仙台駅
0830:急步行到酒店先寄存行李即返回車站
0850: 仙石線出發往松島海岸駅
0940:到松島海岸駅漫遊
1330:觀光船到塩斧 (原定1400, 因行哂全島及買埋手信腳到軟, 決定提早一班船走人)
1420: 到塩斧
1445: 塩斧駅出發回仙台
1555:遊仙台巿
2100: 回酒店房打邊爐(係呀, 痴左線, 故仔下集再寫)

事故:
早上5點半起床出發，先由新宿駅坐JR 去東京駅轉新幹線往仙台，準時0612開車往仙台進發；昨晚行過新宿地庫一間麵包店，勁香的麥包味，連同精美的小紙袋包裝 120円，買了一個留作今天早餐；在月台上的小買店買了一樽熱咖啡及那個小麥包做早餐。

往仙台的JR やまびこ號

就是這個超正無敵小麥包

0612時00秒，やまびこ號準時開動，我就食那個小麥包加熱咖啡作早餐，說了包いただきます就打開那個小包的紙袋，嘩............個包香到呀可能因密封於紙袋內，包香依然，一口咬落去，嘩.........好食到吾知點講，香軟脆，點解日本一間小麥包店都有咁高級既質素包包，香港真係酒店都未食過咁正，食完包包後，坐下又瞓下，稍後一名日本青年坐在隔隣，係咁不停索鼻水，我都忍吾住比左張紙巾佢，起初佢都好突然，點知用完張紙巾後係咁多謝，攪到我都吾好意思，真係講到落車。
JR好準時，和時間表一樣，0820到達仙台，落車後，感覺氣溫低了及有些涼，急急腳行去已訂好的酒店先寄存行李；不足十分鐘就行到了酒店，嘩，好正呀，4000円就有一晚，真的物超所值，未CHECK IN 就提供了滿意的服務，我都未開口，就提出了先留下行李吧，三點後就可以CHECK IN，我都無咩講，放下了房租及行李就走了。
約半小時又返回了仙台站，到仙石線月台等到0850就有急行車直到松島海岸，途沿看到仙台美麗的景色，去到海岸邊時，嘩仙台美景呀。

0940時就到達了松島海岸駅了，下了車就到車站旁的觀光所取了地圖漫遊了。好靜好美的地方，空氣的清新，正是城巿人欠缺的。先由雄島開始再沿海邊漫遊，好舒服，去到松島博物館，用了200円入場，跟著就去魚巿場，無咩買，食了一個蜜瓜味味精雪糕, 一串串燒和試食下D 特產就走了；跟著去了瑞巖寺，好高好密的樹，四處都生滿地衣，空氣的清新感覺又來了，每行一步都深深吸了一口，這地方真係一生人必來的地方。行埋其他地方，買了手信，等點半觀光船走就作為松島的結尾，在等待間在車駅外見到一輛可能是全世得一輛的勁型三輪的士(詳情不講了，有機會自己發掘啦)；到了點半上船了，船程沿途不停廣播，左邊係咩咩島咩咩咩，右邊係咩咩島咩咩咩，係咁約50分鐘就到了塩斧港了，好驚奇地，原來有一個商場，都值得一行，有好正的海鮮同手信買架，行了十分鐘就出發去塩斧駅返仙台了。沿途見到泊滿了各式各樣有龍有鳳的觀光船，都算係一個觀光點吧，行了約半小時去到車站，雖然是一個普通車站，但都頗有特色。

松島海岸的警察局

雄島

松島海岸的

往瑞巖寺中氧氣免費任吸

蜜瓜味精雪糕

多謝350円

超級的士

1555返回仙台了，先返回酒店取了一間好靚的房，和朋友MSN 了一陣，約五點又按計劃參觀仙台巿了，先到了一個專買少年時款衫及飾物的商場，好平呀, 幾十蚊都有件T；順著就去了鮮果批發巿場，其實就是一個街巿，但此時就是收工減價的時候，所以超平呀，但一看下，日本係無男人買餸架，就得我一個麻甩同日本獅奶搶平野，士多啤莉平既100円，超靚都係250円，日本各樣野菜100円就一大包，仲有好多乾貨及海鮮都好平，當手信一流呀。行行下竟然痴左線諗到買餸打邊爐，買了約五十蚊野，有菜有金菇兩大盒士多啤莉扇貝等就走了；離開了巿場，去了行LOFT 廣場，好大呀, 先HMV但無收獲，跟住就飾物部，好多呀(靚女)，跟住家居部，哈哈哈痴線地買了兩個梳爸大枕頭後決定走啦，再行又痴線就不得了；跟著就去了一番町購物街，又好多野睇呀，但無咩有興趣，但行過百貨公司買了筷子、飯後甜品(啫喱)、飲品等回酒店打邊爐用；此時雙手已現青筋了，都係時候走了；最後當然就是去試仙台名物，牛舌燒啦，1800円一個定食(咸到要叫多杯啤酒飲先得).......算啦一生人就一次咁多啦。完事後去了JR窓口取了後天大阪來回東京車票就回酒店了。